恆生新抱何倍倩Anina Ho - 我的新女神

繼Queenie陳莉敏同Suki徐淑敏之後，我又多左一個女神偶像喇~佢就係「恆生新抱」何倍倩(Anina)。我其實一直都有聽過恆生新抱呢個名，不過覺得又係d嫁入豪門ge少奶奶，所以冇咩留意佢。

最近先發現原來佢都係一個美容達人! 佢屋企係做美容儀器生意，所以佢好細個就已經注重保養~同埋原來Zensation呢個牌子係佢創辦架~!

於是飛奔左去買佢2010年出左o既一本書「美肌之道」。

成本書睇得出係誠意之作，佢好詳細咁講解唔同皮膚問題ge成因、有咩外用護膚品，或者內服ge方法可以解決，亦都介紹唔同醫學美容ge解決方法、西醫同中醫唔同ge角度剖析等。

而且仲有搵埋化妝師教大家點用化妝方法遮蓋唔同ge皮膚問題tim~

總括o黎講成本書講解十分全面~不過略嫌太少Anina ge靚相=P 仲有，如果你係冇咩耐性O個D人可能會覺得字太多同講解得太詳細。