我join了$688，可以做3個部位，每個部位6次。我主要是做Underarm, 上唇及手指。我已經做完6次的療程，所以可以和大家分享我對這家公司的感覺!
上到去的時候，職員會安排你入房，如果有需要他們會給你tube top更換，但房間內沒有儲物櫃，所以你的物品只可放在窗台。
進行laser脫毛前，職員也會幫你用剃刀剃毛，但是十分hea，剃得超唔乾淨，連手指咁少嘅毛都剃唔乾淨= = 跟住又唔會幫你塗任何lotion/敷冰，就直接打laser喇。
最痴線嘅係，佢竟然唔俾眼罩我戴!我問佢，乜唔係要戴眼罩架咩? 個職員話唔駛，因為我唔會望到d laser，但佢自己就有戴眼罩! 我真係好驚，打laser要戴眼罩是常識吧? Anyway，佢堅持話唔駛，我都冇同佢爭論，但全程勁驚。
因為我嗰3 part範圍很小，加上個職員打得超hea(很多地方都cover不到)，所以唔駛5分鐘就打完，跟住敷蘆薈gel。
總括6次嘅經驗，真係次次都咁hea= =唯一嘅好處係，6次之中只係有sell過我一次join package，不過我當然拒絕左喇~咁鬼hea仲join你咩?
至於脫毛效果，係有少到少少同出慢左的，不過本身我呢3個部位嘅毛唔算多，Underarm之前join過musee彩光，已經淨番唔係好多，但而家打左6次laser效果都唔太明顯，我覺得部機應該ok嘅，只係職員打得太求其，唉~~失望~!
No comments:
Post a Comment